Donostia Shopsetik, Eusko Jaurlaritzako Turismo, Merkataritza eta Kontsumo Sailarekin lankidetzan, 5.000 kontsumo-bonuko kanpaina bat jarri dugu abian, eta gutxienez 25 euroko erosketa egiteagatik 10€ deskontatuko dira.
NOLA FUNTZIONATZEN DU?
• Kontsumo-bonuak azaroaren 15ean emango zaizkie eskatzen duten lehen 5.000 kontsumitzaileei, hiriko hainbat tokitan.
• Kontsumo-bonuak azaroaren 15etik 29ra bitartean (biak barne) trukatu ahal izango dira kanpainari atxikitako establezimenduetan.
• Kontsumitzaileak deskontu-bonua modu fisikoan aurkeztu beharko du. Merkatariak, gutxienez 25 €erosita, 10 €-ko deskontua aplikatuko dio erosteko unean. Kontsumitzaile bakoitzak gehienez 3 bonu trukatu ahal izango ditu.
• Establezimenduak bonu fisikoa gorde beharko du tiketarekin edo fakturarekin batera. Bertan, bezeroari aplikatutako deskontua balioetsiko da, Donostia Shopsi eman arte.
• Kanpaina amaitu ondoren, abenduaren 1etik 15era bitartean, Donostia Shopsen bulegoetan (San Martzial kalea 2) deskontu-bonuak eta tiketak entregatu beharko dira.
• Deskontu-bonuak baliozkotu ondoren, San Sebastián Shopsek trukatutako bonuak ordainduko ditu, abenduaren 31 baino lehen.
NOLA EMANGO DUT IZENA?
Oso erraza da! Eman izena inprimakian eta bidali zure establezimenduaren argazki bat urriaren 10etik 31ra.
Programan sartzeak eta parte hartzeak ez du bermatzen deskontu-bonuak trukatzea, bezero bakoitzaren esku egongo baita erabakia.
SHOPSDONOSTIA.COM PLATAFORMA
Ekintza hau www.shopsdonostia.com ekimenaren barruan kokatzen da, eta Donostiako tokiko merkataritzaren direktorio zentralizatua izango da, saltokien eta herritarren arteko informazioa, aurkikuntza, konexioa eta leialtasuna errazteko.
Edozein kontsulta, argibide edo zalantza izanez gero, jar zaitez gurekin harremanetan (943090938).
