Aurten Zinemaldiaren 70. urteurrena betetzen da. San Sebastian Shops-etik, Eusko Jaurlaritzako Merkataritza Sailarekin eta Gipuzkoako Foru Aldundiko Kultura Sailarekin elkarlanean, kaleak eta dendak girotzeko asmoz, ERAKUSLEIHO LEHIAKETA bat antolatu dugu.
Erakusleihoak apaintzeko gaia zinea, bere kultura eta pelikulak izango dira. Lehiaketa 2022ko irailaren 16tik 24ra bitartean egingo da, Zinemaldia ospatzen den bitartean.
KATEGORIAK
Lehiaketaren kategoriak honako hauek izango dira:
- ERAKUSLEIHO ORIGINALA: epaimahai profesional batek emandako lehen saria, erakusleiho original eta ongi definituenari.
- ERAKUSLEIHO JASANGARRIA: epaimahai profesional batek emandako saria, hirian ingurumenaren aldeko ideia-indar edo kontzeptu bat transmititzea lortzen duen erakusleihoari, iraunkortasun-irizpideekin diseinatuta eta eraikita egoteaz gain.
- TEKNOLOGIA BERRIAREN ERAKUSLEIHOA: epaimahai profesional batek emandako saria, zinemaren eta seigarren artearen balioak transmititzeko teknologia berriak hobekien erabiltzen dituen erakusleihoari.
Erakusleihoak kategoria batean baino gehiagotan inskriba daitezke.
SARIAK
Sariak honako hauek izango dira:
- ERAKUSLEIHO ORIGINALA: 1.000 €-ko saria Dssmarketplaza tokiko merkataritzaren plataforman gastatzeko.
- ERAKUSLEIHO JASANGARRIA: 1.000 €-ko saria Dssmarketplaza tokiko merkataritzaren plataforman gastatzeko.
- TEKNOLOGIA BERRIAREN ERAKUSLEIHOA: 1.000 €-ko saria Dssmarketplaza tokiko merkataritzaren plataforman gastatzeko.
NOLA PARTE HARTU
Izen-ematea IZENA EMATEKO inprimakia betez egin daiteke. Donostia hiriko merkataritza saltoki guztiek eta merkataritza jarduerarekin lotutako zerbitzuak parte hartu dezakete. Lehiaketan izena emateko epea irailaren 15ean amaituko da. Izen-ematea doakoa da.
Erakusleihoak irailaren 16rako (ostirala) prest eduki behar dira. Lehiaketan parte hartuko duen saltokiak erakusleihoaren argazki bat bidali beharko du irailaren 16a baino lehen (16a barne), info@sansebastianshops.com emailera, saltokiaren izena eta helbidearekin batera.
Irabazleak epaimahai ofizial batek aukeratuko ditu, 2022ko Zinemaldia burutzen den bitartean.
Edozein argibide edo kontsultarako, jar zaitez gurekin harremanetan (943090938).
ANIMATU lehiaketa honetan parte hartzera eta goza dezagun gure Zinemaldiaz!